Representação em texto
CORHEN-0147
| Transcriber | María Jesús Torrens Álvarez |
|---|
| Editor 1 | Jaime González Gómez |
|---|
| Digital editor | Alexandra Duttenhofer |
|---|
| Grupo | GHEN |
|---|
| Corpus-Number | CORHEN-0147 |
|---|
| Type | Cartas de compraventa y contratos |
|---|
| Repository | Archivo Histórico Nacional |
|---|
| Identifier | Clero Secular_Regular, car. 285, n. 14 |
|---|
| Summary | Lop López dona al monasterio de San Salvador de Oña una tierra en Arroyuelo (perteneciente hoy a Trespaderne) y dos viñas en Fresnedo |
|---|
| Date | 1241 abril 4 |
|---|
| Place | Arroyuelo |
|---|
| Province | Burgos |
|---|
| Country | España |
|---|
Opções de representação
Texto: - Mostrar:
O script do Java parece estar desligado, ou então houve um erro de comunicação. Ligue o script do Java para mais opções de representação.
Connoscuda cosa sea A todos quantos esta carta uieren como yo Lop lopez de torres de mi
buena uoluntad en remission de mios peccados do al monesterio de Onna por mucho bien & mucho
beneficio que recebi dent una tierra que he en Arroyuelo que es al uall & dos uinnas a fresnedo. assi
lo offresco & lo do que daqui adelant que lo ayan por heredamiento & que fagan dello a su uoluntad pora
siempre. Et por que esto fuesse firme rogue a mio sobrino pero perez que lo otorgase. & que fuesse dello
fiador el & Garçi lopez de tamayo. Et yo pero perez otorgolo & somos dende fiadores yo & garçi
lopez. Amos de mancomun & cadauno por todo de redrar & de sanar a fuero de tierra a todo
omne que lo demandar. Fecha la carta en el Era de mill. cc. Lxxviiijª. El dia de sant Ysidro. en
el mes de Abril. Et en este dia mismo yo pero perez & Garçi lopez fiadores sobredichos metimos
A don Yague sacristano mayor de onna en el heredamiento sobredicho. Desto son testigos que lo uieron
& que lo oyeron. De fijos dalgo. Garçi lopez de tamayo. pero lopez de torres. Sancho perez so hermano.
Don lop de lordem. Don pero clerigo de trespaderne. Labradores de Arroyuelo. Domingo Yuannes. Don Adam.
Don ysaach. Don bartholome. Pedro sanchez. Alfonso. Martin peidret. Rodrigo. Miguel criado del abbat de
Onna. Martin fidalgo.
Guardar XML • Download text
