CODCAR-0526 CODCAR-0526 Grupo GEDHYTAS Identificador CODCAR-0526 Tipología Textos legislativos Archivo Archivo Municipal de Burgos Referencia Sección hist., nº 2938 Resumen El rey Sancho IV manda a algunos de sus hombres cómo deben actuar en los casos en que algún vecino de las merindades de Bureba, Rioja y Castilla Vieja se niegue a pagar lo que le corresponde por yantar real. Fecha 1285 enero 17 Lugar Atienza Provincia Guadalajara País España Scriptor Gonçalo Pérez
Opciones de visualización
Texto : Transcripción paleográfica Forma paleográfica Forma expandida Presentación crítica - Mostrar : Colores Formato <lb>
Javascript seems to be turned off, or there was a communication error. Turn on Javascript for more display options.
Don Sancho por la graci a de dios Rey de Castie lla de Toledo de
Leon de Gallizia de Seuilla de Cordoua de Murzia de Jahe n
& del Algarbe . Atodos llos alcalle s juezes justizias . Merinos & a
todos llos Aportellados dela merindat de Burueua & de
Rioia & de Castie lla vieia . Salu t & graci a . Sepades que yo en bie
a Garcia ffe rra nde z . & a Gil per ez . mios omn es . A Recabdar llas yntarres
de todas essas merin dades sobre dichas . Et ellos que Recudan con todos
llos mo ravedis a Mathe per ez & a fferrnan per ez mios despensseros . pora
lla despenssa de mj casa . Et dilles mis cartas pora cada vnos
delos lugares . en como lles Recodissen con llos mo ravedis a ellos o aque llos
que ellos en biassen en ssu lugar . Et agora en biaron me dezir que
van en algunos destos lugares con llas mis cartas . Et que lle s non
qui eren dar llos mo ravedis assi como lles yo en bie mandar . Et sso ma
rauillado en como sson osados delo ffazer . Onde uos mando uista
esta mj carta a cada unos de uos . que todos aque llos que Garzia ffe rra nde z
o Gil per ez . o aque llos que ellos en biaren en su lugar uos mostraren
que non qui eren dar llos mo ravedis assi como yo mando . que tomedes tantos de
llos ssus bienes poro qui er que llos ffallardes & que llos vendades luego . en
qua nto mon tar lla qua ntia delos mo ravedis que ellos ouieren adar . Et que en trege
des a ellos delos mo ravedis . Et non uos escusedes llos vnos por llos
otro s de con plir esto que yo mando . maes cun plan lo llos pri mer os . o el pri mer o
que esta mj carta uier . Et non ffagades end al . ca por qua nto sse y
menos cabasse . por men gua delo que uos y Auedes a ffazer de llo
uuest ro uos llo mandaria pechar doblado . La carta leyda dadgela
Dada en Atien za . xvij . dias de Enero Era de mill & ccc . & vey
nte & tres ann os . yo Gonçalo per ez la fiz escreuir por man dado del
Rey Roy diaz fferran fferrandez
Mathe pere z Descargar XML • Descargar texto
