CODCAR-0373
CODCAR-0373
| Grupo | GEDHYTAS |
|---|
| Identificador | CODCAR-0373 |
|---|
| Tipología | Textos legislativos |
|---|
| Archivo | Archivo Municipal de Burgos |
|---|
| Referencia | Sección hist., nº 2574 |
|---|
| Resumen | Alfonso X pide al concejo de Burgos que autorice el pago del servicio votado en cortes para sufragar los gastos de la guerra. |
|---|
| Fecha | 1275 diciembre 22 |
|---|
| Lugar | Alcalá de Henares |
|---|
| Provincia | Madrid |
|---|
| País | España |
|---|
| Scriptor | Sancho Pérez |
|---|
Opciones de visualización
Texto: - Mostrar:
Javascript seems to be turned off, or there was a communication error. Turn on Javascript for more display options.
Don Alffonso por la gracia de dios Rey de Castilla de Toledo de Leon
Gallizia de Seuilla de Cordoua de Murcia de Jahen & del
arue. Al Conçeio de Burgos mj Camara Cabça de Castilla Salut
como a quellos que quiero bien & en qui fio. Ya sabees de como uos yo en
e dezir. queme enbiassedes dos Caualleros por que auia cosas de fablar con
os & con todos los otros que eran a sseruiçio de dios & de mj & apro de toda
tierra. Et sobresto uos queme enbiauades a Apriçio guillen. & a Johan royz
o de don Rodrig yuannes. mjo Alcalde. Et yo que mandasse lo que touiesse
or bien. Et ellos que uinieron amj; & yo fable con ellos & con todos los otros
e todos los Conçeios que amj uinieron assi como Yo mande Et mostreles
das las cosas que pasara; & todos los fechos del tierra. como eran Otrossi
echo dela guerra en que estado estaua; Et sobre todo demandeles conse
Et queme conseiasen aquello que entendiessen queme deuien conseiar Et
los & los otros dieron me conseio bueno & leal segunt los fechos eran
& de que yo fuy muy bien pagado. Et sobre el Conseio queme dieron tan
bien los de Castilla como los de Estremadura. Mandaron me en Ayuda
tanto auer quanto podria montar; una moneda cadanno. & esto fata tres
annos Et que se diesse en esta guisa; que el que ouiesse ualia de diez
morauedis delos prietos. que diesse diez ssueldos delos buenos burgaleses que se
fazen çinco morauedis & terçio desta moneda blanca. Et el que ouiesse diez morauedis
delos blancos. que de diez ssueldos delos blancos. Et los caualleros queme e
biastes dixieron me que ellos non se atreuien a mandar me ning
fata que lo uos sopiessedes. Et pues todos los otros dela tierra esta ay
da me fazen; tengo como es guisado quelo faredes uos. Onde uos rue
go que aquello que todos los otros fizieron que uos otrossi quelo fagades
& que uos plega & yo gradir uos lo e & ener uos lo e en sseruiçio
Dada en Alcala .xxij. dias de Diziembre. Era de mill ccc xiij. Annos. yo Sancho
perez Notario de la Camara del Rey Arcidiano de Baeça la
fiz escreuir por mandado del Rey.
Roy martinez R
Descargar XML • Descargar texto
