CAS | CAT | EUS | GAL | ENG | FRA

CORHEN-0117

CORHEN-0117

TranscriptorMª Carmen Moral del Hoyo
Editor 1Javier Rodríguez Molina
Editor 2Jaime González Gómez
Edición digitalMireia Peris Vicent
GrupoGHEN
IdentificadorCORHEN-0117
TipologíaTextos legislativos
ArchivoArchivo Histórico Nacional
ReferenciaClero Secular_Regular, car. 282, n. 3
ResumenDomingo, abad del monasterio de San Salvador de Oña, con el consentimiento de todo el capítulo y del rey Alfonso VIII, otorga fueros a Cornudilla, Aldenas y Quintanilla
Fecha1214 s.m. s.d.
Lugarmonasterio de San Salvador de Oña, Oña
ProvinciaBurgos
PaísEspaña
Javascript seems to be turned off, or there was a communication error. Turn on Javascript for more display options.
JN dei nomine. Presentibus & futuris notum sit ac manifestum; quod ego Dominicus dei gratia Oniensis ecclesie abbas; cum consensu & uoluntate capituli sancti Saluatoris Onie; atque cum consilio dominj nostri regis Aldefonsi; facimus uobis cartam hominibus de cornudela. & de aldenas & de quintaniella. & alijs hominibus qui ad istam uillam ad populandum de quacumque parte uenerint. habeant istos fueros in Cornudella. De sancto Michaele usque ad sanctum Martinum; abbati Onie persoluant duos solidos infra predictum terminum monete regis. Quicumque homicidium fecerit. ipse met qui occiderit pectet illud. & non alij. Et nulla manneria habeant in Cornudella; sed propinquiores parentes habeant bona ipsius defuncti. De calumpnja uero que cognita fuerit; medietatem accipiat dominus Onie; alia uero medietas sit absoluta. Quicumque iuratores debuerint dare domino suo. uel socijs suis. uel alijs hominibus pro aliqua causa; dentur iuratores de Cornutella; & non inquirant eos de alijs uillis. Quicumque uenerint ad Cornudellam de uillis nostris ad populandum. & fuerint forros ueniant & adducant partem suam; ita tamen ut solare non relinquant heremum patris uel matris. Statuimus etiam quod nullus sayon intret in Cornudellam; sed ipsi eligant tres uel quatuor iudices; ad danda pignora. uel ad testandas hereditates. & alia pignora non accipiantur nisi de proprijs domibus. Et qui habuerint domos in iam dicta uilla. non dent portaticum in isto mercato. Preterea damus & concedimus uobis in populatione omnem illam hereditatem de la Cornuda. cum toto suo termino sicut ab antiquo determinatum fuit. per istos uidelicet limites. per illam uiam publicam que discurrit de fermosella; ad ecclesiam sancti fausti. & ex alia parte sicut uadit per aliam uiam ex ecclesia sancti fausti. ad uineam que fuit garsie ruderici. Omnes uidelicet hereditates que continentur infra suprascriptos limites. & sicut parentibus uestris ex precepto imperatoris quondam johannes abbas secundus bone memorie cum capitulo suo concessit. atque confirmauit. consimili modo uobis damus in populatione. pro Centum. & .Lxxa. morabetinos. Tali siquidem pacto uobis damus; ut uos & filij & filie uestre. & filij filiorum uestrorum. & omnis posteritas uestra in perpetuum possideatis. Et si forte nos uel successores nostri supra predictam hereditatem uos uel heredes uestros inquietauerimus; uel contra communem factum. per nos uel alias personas uenire temptauerimus; liceat uobis cum seculari uel cum ecclesiastica persona defendere ius nostrum. & omnes predictas hereditates qualicumque modo potueritis tueri. Facta carta eRa .Ma. CCa. La. ija. Regnante rege Aldefonso in toleto & extrematura. & in tota castella. Didaco Lupi dominante borouiam. Lupus didaci tenente castellam uetulam & asturias. Don Semeno existente merino regis. Ego Dominicus Oniensis ecclesie abbas. hanc cartam quam fieri iussi; roboro & confirmo. Aldefonsus prior sacrista. confirmat. Garsias prior claustralis. confirmat. Dominicus camerarius. confirmat. Petrus de fermosella helemosinarius. confirmat. Petrus de barzina maiordomus. confirmat. Gundissaluus de cerraton. confirmat. Johannes capellanus. confirmat. Johannes cellerarius maior. confirmat. Conuentus Oniensis. confirmat. Preterea statuimus ut omnes qui in Cornudella populati fuerunt. dent nobis adiutorium in labore duos dies in anno. unum in arare. & alterum in segare. ita tamen ut dentur eis panem & uinum & carnem. Siquis uero ex successoribus nostris uel cuiuscumque persona sit. qui hoc nostrum factum infringere uel diminuere uoluerit; quamdiu uixerit in presenti uita obprobrium & miseriam sustineat; & in perhennj uita. penas inferni sine ullo remedio percipiat. Amen. Ego Dominicus Oniensis abbas & conuentus ut factum nostrum omni tempore firmum permaneat; sigillos nostros apponimus.

Descargar XML • Descargar texto