CORHEN-0077 CORHEN-0077 Grupo GHEN Identificador CORHEN-0077 Tipología Cartas de compraventa y contratos Archivo Archivo Histórico Nacional Referencia Clero Secular_Regular, car. 279, n. 4 Resumen El convento de San Salvador de Oña y su abad Pedro donan el monasterio de Cigüenza a García Gonzalo, su mujer Elvira y su hijo Muño, quienes, a su vez, venden al convento la mitad de su heredad en Tamayo Fecha 1198 s.m. s.d. Lugar monasterio de San Salvador de Oña, Oña Provincia Burgos País España
Opciones de visualización
Texto : Transcripción paleográfica Forma paleográfica Forma expandida Presentación crítica - Mostrar : Colores Formato <lb>
Javascript seems to be turned off, or there was a communication error. Turn on Javascript for more display options.
Presentis itaque pagine testimonio , noscant presentes et posteri quod ego Petrus , Dei gratia Oniensis abbas , et omnis conventus eiusdem monasterii damus vobis
domno Garsie Gundissalvi , et uxori vestre domna Elvira et domno Munioni , filio vestro , monasterium de Segoncia cum omnibus pertinentiis suis ut omnibus diebus vite vestre , sub tali
conditione possideatis quod domnus Munio , filius vester , sit maior et dominus in predicto monasterio . Vos autem per festum Assumptionis Sancte Marie sufficienter ut decet statutam
procurationem. et unum aureum pro romano censu nobis annuatim persolvatis . Et concedimus vobis in nostro monasterio portionem integram in eundo et redeundo et duobus famulis vestris ,
tantum panis et vini , si stationem ibi facere volueritis , per duos vel per tres dies , et per totum Adventum et per totam Quadragesimam similiter . Postquam vero concluseritis diem extremum
quicquid inventum fuerit in monasterio Sancte Dorotee , liberum et sine ullo contradicto nobis remaneat . Preterea adimus vobis ut unoquoque anno Oniensis abbas det vobis XIIcim cuarteros ,
medietatem tritici et medietatem ordei , et unum morabetinum . Ego Petrus , Oniensis abbas , hanc cartam quam fieri iussi confirmo . Rudericus prior maior confirmat ; Petrus prior sacrista confirmat ;
Pelagius prior claustralis confirmat ; Petrus Calataiubensis maiordomus confirmat ; Gundissalvus helemosinarius confirmat ; et omnis conventus confirmat .
Quoniam ea que ad salutem anime et corporis fiunt scripta adesse videntur ne diuturnitate temporum oblivioni tradantur . Idcirco ego Garsie Gundissalvi et uxor me domna
Elvira vendimus et roboramus vobis domno Petro , Oniensi abbati , vestrisque sucessoribus iure hereditario in perpetuum pro quingentis morabetinis , omnem medietatem nostre hereditatis quam
habemus in Tamayo , videlicet , in domibus , in parralibus et in ortis fructiferis et in arboribus . Et divisimus predictam hereditatem cum domno Ruderico priori maiori , et domno Petro priori sacrista ,
et Petro priori Calataiubensi et Martino Gundissalvi . Et ut non labatur a memoria , metas posuimus coram testibus , scilicet: don Pardo , et Petrus Petri de Arniellas et Diego Ferrández de
Tamayo . Pars enim vestra est cognita illud parral totum quod est subtus ecclesiam Sancte Marie , iuxta viam publicam que discurrit a Prado ; et illud linar cum suo solar quod est subtus
stratamviam que vadit ad Prado ; medietatem domorum cum medietate corralis , et cum suo exido et cum suo ortale , quemadmodum vadit usque ad domum de Anderquina ; et ortum quod est subtus
domum Petri Pelagii ; et alia faza ante ianuam de filiis Iohannis Téllez supra viam quemadmodum discurrit usque ad terram de filiis de Petro Franco , cum suis arboribus ; et in Val
de Comde tres pedacios ; et in Val de Teja media terra quod fuit Joán Navarro et medietatem ecclesie Sancte Marie cum suo exido . Hoc totum vendimus vobis et concedimus iure
hereditario possidendum et posteris vestris . Ego denique Garsie Gundissalvi et ego domna Elvira sumus paccati de predictos morabetinos et omnem pretexatam hereditatem sub dominio Oniensis
monasterii , ratam et inconcussam concedimus perpetualiter permanere . Si quis igitur ex progenie nostra , filius , vel filia vel alius aliquis qui hanc predictam hereditatem conturbare vel aliquo modo exigere
voluerit , sit a Deo maledictus et quamdiu vixerit in magna penuria positus , et dupplatam hereditatem in tali loco cum predictos morabetinos triplicatos vobis persolvat .
Facta carta era MªCCªXXXªVIª . Regnante rege Adefonso in Toleto , et Extrematura et in tota Castella . Dídaco Lupi tenente Boroviam et Castellam Vetulam . Gonzalvo Roíz
maiordomus regis . Guterrus Didaci existente merino regis . Ego don García et ego domna Elvira hanc cartam quam fieri iussimus coram testibus roboramus : Petrus Covo de
Arniellastestis ; Gómez Alardo testis ; Rudericus Munioz de Vesga testis ; don Pardo testis ; Rudericus Martín de Ventretea testis . De Tamayo : Gonzalvo Assúrez testis ; Diego Ferrández testis ;
Domínico Abat de la Cuesta testis ; Martinus Petri de la Cuesta ; Martín Abat testis ; Martín Cavallero testis ; Domínico Stephani testis ; el monge testis .
Ego Petrus , Oniensis abbas , gratis et caritative tribuo omnem prefatam hereditatem conventui ad opus refectorii . Descargar XML • Descargar texto
