CODCAR-0525
CODCAR-0525
| Transcriptor | Ana Lobo Puga |
|---|
| Editor 1 | Laura María Rubio Moreno |
|---|
| Editor 2 | David García López |
|---|
| Edición digital | Mireia Peris Vicent |
|---|
| Grupo | GEDHYTAS |
|---|
| Identificador | CODCAR-0525 |
|---|
| Tipología | Textos legislativos |
|---|
| Archivo | Archivo Municipal de Vitoria Pilar Aróstegui |
|---|
| Referencia | 17\013\001 |
|---|
| Resumen | Carta del rey don Sancho para que el que mate a otro en Vitoria muera por ello. |
|---|
| Fecha | 1284 diciembre 23 |
|---|
| Lugar | Segovia |
|---|
| Provincia | Segovia |
|---|
| País | España |
|---|
| Scriptor | Joán Rodríguez |
|---|
Opciones de visualización
Texto: - Mostrar:
Javascript seems to be turned off, or there was a communication error. Turn on Javascript for more display options.
Don Sancho por la gracia de dios Rey de Castiella de Toledo de Leon. de Gallizia. de
Seuilla. de Cordoua. de Murçia. de Jahen. & del algarbe. Al Conçeio & alos Alcaldes & alos
jurados de Bitoria. Salut & gracia. Sepades que me dixieron que en el Priuilegio del fuero que uos
auedes que non dize que qui mata omne como non deue. que muera por ello. Et por esta rrazon quando aca
esçen tales cosas como estas en uuestra villa quesse mengua la mj justiçia. & esto que es grant mjo desseruiçio
& danno dela villa. Et esto non tengo yo por bien. Onde uos mando que quando acaesçiere tal cosa
como esta en uuestra villa & que mate vn omne a otro como non deue. quel matedes por ello. Et nonlo de
xedes de fazer por rrazon que non dize en el uuestro Priuilegio del ffuero espressa mentre que qui ma
ta omne como non deue que muera por ello. Et non ffagades ende al. Sinon auos & aquanto que ouie
ssedes me tornaria por ello. Dada en Segouia. xxiij. dias de Deziembre. era de mill & .ccc.
& veynt & dos annos. yo johan rodriguez la fiz escreuir por mandado del Rey.
iohan perez
Descargar XML • Descargar texto
