Representação em texto
CODCAR-0521
| Transcriber | María Nieves Sánchez González de Herrero |
|---|
| Editor 1 | Leyre Martín Aizpuru |
|---|
| Editor 2 | Vicente Marcet Rodríguez |
|---|
| Digital editor | Mireia Peris Vicent |
|---|
| Grupo | GEDHYTAS |
|---|
| Corpus-Number | CODCAR-0521 |
|---|
| Type | Textos legislativos |
|---|
| Repository | Archivo Municipal de Córdoba |
|---|
| Identifier | AH. 01.02.01 (Procede de la caja 1, doc. 10) |
|---|
| Summary | Carta abierta de Sancho IV concediendo al concejo de Córdoba que celebre dos ferias al año. |
|---|
| Date | 1284 agosto 5 |
|---|
| Place | Sevilla |
|---|
| Province | Sevilla |
|---|
| Country | España |
|---|
| Scriptor | Xemén Pérez |
|---|
Opções de representação
Texto: - Mostrar:
O script do Java parece estar desligado, ou então houve um erro de comunicação. Ligue o script do Java para mais opções de representação.
Sepan quantos esta carta vieren. Como yo Don ¶ Sancho por la gracia de dios Rey de Castiella de Toledo
de Leon de Gallizia de Seuilla de Cordoua de Murçia de Jahen & del algarbe. Por fazer
Bien & merçed al Conçeio de Cordoua & por muchos sseruizios que me an ffecho ¶ Tengo por bien que ffagan
fferia en Cordoua. dos vezes en el anno. la vna que comienze el dia de Çinquaesma. & la otra primero
dia de quaresma. & que dure cada fferia. quinze dias. Et quales quier que a esta fferia vinieren con sus
mercaduras. mando que vengan saluos & seguros. Et njnguno non sea osado deles fazer fuerça njn Tuerto njn
mal a ellos njn asus cosas. dando sus derechos dolos ouieren a dar. Otrossi tengo por bien que a quellos que veni
eren ala feria que non den Portadgo y en Cordoua en los quinze dias que durare la feria & que v
sen en estas ferias segunt que vsan en las otras villas del mio Reyno en que fazen fferias ¶ Et mando
& deffiendo que njnguno non sea osado deles yr contra esto en njnguna manera que qual quier quelo ffiziesse pechar
me ye en pena. mill. morauedis dela moneda nueua. Et demas al cuerpo & a quanto que ouiesse me tornaria
por ello. Et desto les mande dar esta mj carta seellada con mio sseello. colgado. Dada en Seuilla
Çinco dias de Agosto. era de mill; & trezientos & veynt & dos annos. yo xemen perez la fiz escreuir por man
dado del Rey.
Gil dominguez
Garcia perez
Guardar XML • Download text
