CORDEX-0008

CORDEX-0008

Javascript seems to be turned off, or there was a communication error. Turn on Javascript for more display options.
Sepan quantos esta carta de venda vieren como yo ffagundy annez ffijo de johan brauo vezjno de Alboquerque connosco amp; otorgo que vendo Auos domingo fferrandez amp; A vuestra muger maria yannez todo el derecho amp; quinon amp; de derecho deuo Auer en la deffesa que llaman delas cabeças del brauo termjno de caçeres çerca de castiel guerrero el qual derecho amp; quinon me A mj acaeçio de parte de johan brauo dicho mj padre el qual dicho quinon amp; derecho uos bendo con entradas amp; con salidas & con todos ssus derechos & pertenençias quantas ha & Auer deuen Assi de ffecho como de derecho por preçio [port.: nomeado] que de uos rreçebj conuiene Asaber veynte marauedis dela moneda que Agora corre que ffazen diez dineros el marauedi de que yo ffuybien pagado & njnguna cosa del preçio del non ffico por dar. Et por ende Ayades uos el dicho domingo fferrandez & la dicha uuestra muger el dicho quinon & derecho para todo ssienpre & uuestros çoçesores para ffazerdes della & en ella como de uuestra propia possession Et otorgo que ssi Alguen venjere dela mj parte & dela estranna que este fecho quessier demandar non le ssea otorgado Et quanto demandare tanto doble & conpona A uos & peche Al ssennor dela terra çient marauedis Et demas ffico obligado para uos lo ffazer sano A todo tienpo de quien quier queuos lo demande por mj & por todos mjs bienes ffecha ffue esta carta en Alboquerque veynte ssiete dias de enero era de mill & trezientos & ochenta Annos testigos que estauan pressentes ffrey gonzalo penida & martin gonzalez ssobrino de martin rru ujo & martin dominguez çapatero & mateos martinez & Alffonso martinez & otros [port.: Eu Gil joaquin escriuan pl ebj co por don Affonso en Alboquerque amp;su tierra pre ssente ffuy & esta carta fiz escriuer este signo Aqui fiz atal
En testimonio de [port.: uerdade]]

Descargar XML • Descargar texto