Emiliana Ramos RemediosJaime González GómezNayra Sánchez VeraGHENCORHENCORHEN-0051Archivo Histórico NacionalClero Secular_Regular, car. 276, n. 7El abad de San Salvador de Oña y los vecinos de Barrio llegan a un acuerdo tras un litigio por ciertas propiedades1173 agosto 29catedral de Burgos, BurgosBurgosEspaña42.340806 -3.704472
De controuersia & litigio quod inter abbatem oniensem & homines de barrio super ecclesia sancti saluatoris iam diu uentilatum est; talis inter eos facta est conuenientia. uidelicet quod abbas onie de illa tercia parte decimarum que ad clericos ecclesie pertinet. & de ceteris beneficijs oblationum. tam uiuorum quam mortuorum habeat terciam partem. Jnsuper habeat domum que est iuxta ecclesiam. cum tota hereditate que ad eandem ecclesiam pertinet. exceptis duabus terris quas ipse abbas concessit ad opus fabrice ecclesie. Vna illarum dicitur tierra de uinea del foio; altera est inter terram garsie iohannis; & terram petri petri. Omnia ista predicta possideat abbas onie iure hereditario imperpetuum. Conceio uero de barrio cum suis clericis habeant duas partes predictarum decimarum. simul & oblationum tam uiuorum quam mortuorum; & habeant ecclesiam. & seruiant ei imperpetuum. habeant etiam potestatem intromittendi clericum per manum episcopi uel per uicarium eius in predictam ecclesiam. Jsta omnia predicta possideant semper iure hereditario. Jn eadem uero ecclesia sunt duo ostia. quorum claues clericus qui ecclesie seruierit teneat. & aperiat illa ostia ter in die si opus fuerit. scilicet ad matutinas horas. & ad missam. & ad uesperas. quando idem clericus celebraturus fuerit diuina officia. Facta carta .iiiiº. kalendas septembris. ERA. Mª. ccª. xiª. in presentia domini iacincti sancte romane ecclesie cardinalis. Petrus episcopus burgensis confirmat. Martinus episcopus de aluarrazin. testis. Martinus archidiacon<us. testis . Aldericus archidiaconus. testis. Abbas saliensis. testis. Totum burgense capitulum. testis. Totum concilium de barrio confirmat. Munio munioz. testis. Johannes oniensis abbas confirmat. Prior garsias confirmat. Petrus petri confirmat. Totum oniense capitulum confirmat. Regnante rege aldefonso in toleto & burgis & in tota castella. Gundisaluo roderici dominante in borouia.