María Nieves Sánchez González de HerreroLeyre Martín AizpuruNayra Sánchez VeraGEDHYTASCODCARCODCAR-0590Archivo Municipal de BaezaSala 1, estante 6, nº 2

Carta de Sancho IV concediendo validez a las compras y ventas que se hacían en el término de Baeza el sábado y el domingo.

1289 diciembre 12ToledoToledoEspaña39.866667 -4.033333 Sepam quantos esta carta uieren. Como nos Don Sancho por la gracia de dios Rey de castiella de Toledo de Leon de Gallizia de Seuilla de Cordoua de Murçia de Jahen & del algarbe. Por ffazer bien & merçed al Conçeio de Baeça. Tenemos por bien & mandamos que el Robonpenco que sse ffaze en Baeça & en ssu termino en Razon delas conpras el Sabado alas uiesperas o el Domingo ala missa Ante testimonios de vezinos ssegund lo vsaron ffasta aqui & ssu ffuero manda; quelo puedan ffazer daqui enadelantre & queles uala en todo tienpo. Et quelas conpras que ffueron ffechas ffasta aqui enesta manera que ffinquen ffirmes & ualederas. Et que non les enpiesca lo que Judios & otros omnes algunos dizen que ssi non ffuere ende ffecha carta de escriuano publico que non deue ualer la conpra. Et deffendemos ffirme mientre que ninguno non vaya contra esto que nos mandamos. en ninguna manera. Ca qual quier quelo ffeziesse pechar nos ye en pena Cient morauedis dela moneda Nueua & aquel contra quien lo dixiesse todo el danno doblado que por ende Recibiesse Et desto les mandamos dar esta nuestra carta Seellada con nuestro siello de çera colgado Dada en Toledo Doze dias de Dezenbre era de Mill &