Ana Lobo PugaLeyre Martín AizpuruRaquel Sánchez RomoMireia Peris VicentGEDHYTASCODCARCODCAR-0415Archivo Municipal de BurgosSección hist., nº 2561Alfonso X ordena a los alcaldes y al merino de Burgos que entreguen a Aparicio Guillem veinte mil maravedís de la moneda de la guerra.1278 julio 15SegoviaSegoviaEspaña40.948056 -4.118333Pero Ferrández
Don lffonsso por la gracia de dios Rey de Castiella de Tole
do de Leon de Gallizia de Seuilla de Cordoua de
Murçia de Jahen & del Algarbe. Alos Alcaldes & al Merino
de Castiella. Salut & gracia. Sepades que don Çag el
de don Manuel puso a don Bernalt de Çentellas
veynte mill morauedis dela moneda dela guerra. en la compusicion que
ffizieron los dy dela Villa con don Sancho mio fijo; en rra
zon delas Osuras. Et Agora a de rrecabdar estos veynte
mill morauedis ssobredichos por don Bernalt de Çentellas Apa
riçio guillem dy de Castiella. Onde uos mando que rrecuda
des con ellos a Apariçio guillem el ssobredicho; assi como don Çag
uos enuia dezir por ssu carta. Et non ffagades end Al por
ninguna manera. Sinon auos & alo que ouiessedes me torna
ria por ello. Dada en Segouia. xv . dias de jullio.
ERa de mill & & Seze Annos; yo Pero ferrandez la
fiz escreuir por mandado del Rey.
Lope martinez Remon garcia