María Nieves Sánchez González de HerreroDavid García LópezRaquel Sánchez RomoMireia Peris VicentGEDHYTASCODCARCODCAR-0379Archivo Histórico Diocesano de LogroñoxxxAlfonso X ordena al concejo de Calahorra que entregue a los canónigos de Albelda doscientos maravedís de la martiniega cada año.1276 agosto 2Santo Domingo de la CalzadaLa RiojaEspaña42.441944 -2.9525Gil Pérez
Don Alfonso por la gracia de dios Rey de Castiella de Toledo de Leon de
Gallizia de Seuilla de Cordoua de Murçia de Jahen & del Algarbe
Al Conçeio de Calahorra. salut & gracia. Bien sabedes de como el Cabildo de
los Canonigos de Aluella tienen de mj cadanno con mio Priuilegio en la Martinie
ga de uuestra uilla dozientos morauedis dela moneda nueua. Agora enbiaron se me querellar
& dizen que a dos annos que non ouieron ende cadanno. mas delos çient morauedis. Porrra
zon que los otros çient morauedis tomo don Johan alffonso de haro. Onde uos mando que daqui
adelante que rrecudades al Cabildo delos Canonigos de Aluella cadanno con estos dozientos
morauedis que tienen de mj en essa Martiniega bien & conplida miente. segund dize el Priui
legio que ellos tienen de mi. Et non consintades a don Johan alffonso njn alos cogedores
njn aotro ninguno que les tome ninguna cosa destos morauedis sobredichos. Et non ffagades end
al. Sinon quanto menoscabo el Cabildo Reçibiesse por mingua delo que uos y ouiessedes
a ffazer delo uuestro gelo mandaria pechar todo doblado. Dada en Santo domin
go dela Calçada dos dias de Agosto Era de mill & .ccc. & catorze Annos yo
Gil perez la fiz escriuir por mandado del Rey.
Roy martinez