Leyre Martín AizpuruAna Lobo PugaRaquel Sánchez RomoMireia Peris VicentGEDHYTASCODCARCODCAR-0304Archivo Municipal de LorcaRef. AMLO Plan. 2.2 Pergamino 13Carta abierta de Alfonso X a los partidores de Lorca, ordenando que el agua sea distribuida de forma comunal por días y tiempos.1268 septiembre 23SevillaSevillaEspaña37.383333 -5.983333Pedro Gonçálvez
Don Alffonsso por la gracia de dios Rey de Castiella de Toledo de Leon de Gallizia de
de Murçia de Jahen & del Algarue. auos don Pedro comendador mayor del Alcaçar de
ez dean de Cartagena mio clerigo. & auos Guillen perez de Pina. & auos Miguel perez alguazil de
auos Domingo perez repostero mayor dela Reyna & auos Beltran de villa nueua mio escriuano mios partidores de Lorca
assi como a aquellos que quiero bien & en qui fio. Sepades que el Conçeio de Lorca se me embiaron querellar que los Sennores
delos donadios tienen toda la agua que la non dexan salir de ssus huertas a fuera pora Pan nin pora otra cosa nin
Et ssi asi es sso ende marauillado. Onde. uos ruego &
uos que uayades y & que ueades en qual guisa es & partid les la Agua comunal mientre por dias & por
de guisa que ninguna contienda non aya daqui adelantre ssobresta razon. Et non fagades end al Et fazer
en ello sseruiçio. Dada en Seuilla. el Rey la mando. Domingo. xxiij. dias de Setiembre. Era. de.
annos. yo Pedro gonçaluez escriuano de Garcia dominguez notario del Rey en la Andaluzia la fiz escreuir.