Xoán II ampara a frei Rodrigo de Figueroa como abade do mosteiro de Santa María de Oia

Dom Joán, por la gracia de Deus rey de Castela, de León, de Toledo, de Galiza, de Sevilla, de Córdova, de Murcia, de Jaén, del Algarve e de Algecira, e señor de Bizcaya e de Molina, al mi adelantado del reino de Galicia e a los mis corregedores e alcaldes e outras justiças qualesquier del dicho reino de Galizia, e a todos los otros cavalleros e escuderos e a qualquier o qualesquier de vós, a quien esta mi carta for mostrada o su traslado dela signado de escrivano público[7], salud e gracia. Sepades que dom frey Rodrigo de Figueiroa[8], abade do mosteiro de Santa María de Oia, e el prior e convento e omnes buenos del dicho mosteiro, se me embiaron querellar e dizen que, por quanto frey Gonçalvo da Silva, abade que se llamava del monasterio sobredicho, se pasara al reino de Portugal, e comoquier que por muchas vezes[9] le avían afrontado e requirido que se veniese para su monesterio e procurase a ellos e a las granjas e bienes del dicho monesterio, que se ivan a perdiçón[10], que nunca lo ha querido fazer; por la qual raçón[11] dizem qu'el padre santo proveo del dicho monesterio al dicho frey Rodrigo de Figueiroa, monje de la órdee[12] del dicho monesterio, por vertude[13] de la qual gracia del dicho señor padre santo dizen que está en posesión e tenencia del dicho monesterio por cartas del dicho padre santo. E dize que se recelava que, por quanto el dicho frey Gonçalvo es chamorro[14] e cosa quita[15] del aversario de Portogal que le venrá a tomar[16] por fuerça e con poderío la posesión e tenencia del dicho monasterio, e sin seer sobre ello primeramente llamado[17] a juizio e oído[18] e vencido por derecho[19] por do deve e como deve, en lo qual dizen que, se así pasase, serían mucho agraveados, e embiáronme pedir por merced que tomase en mi guarda e defendimiento al dicho abad don Rodrigo de Figueiroa e al dicho prior e omnes buenos e cotos e lugares e granjas del dicho monesterio. E yo tóvelo por bien e [20] es[21] mi merced de tomar al dicho abad don Rodrigo e al dicho prior e convento e a todos los bienes del dicho monasterio [22] so mi guarda e defendimiento, por que vos mando que, si así es, qu'el dicho don frey Rodrigo tiene la tenencia e posesión pacífica de la abadía e monesterio e cotos e lugares e granjas, por gracia qu'el dicho padre santo le fiço en la manera que dicha[23] es, que le amparedes e defendades en la dicha tenencia e posesión, dela e monasterio e non consintades que sea[24] desapoderado d'ella fasta seer sobre ello primeramente llamado a juizio e oído e vencido por derecho por do deve e como deve. E esto que lo fagades así pregonar públicamente en las cibdades e villas e lugares del dicho obispado de Tui, e los unos[25] e los otros non fagades ende ál [26] por alguna manera so pena de la mi merced e de diez mil moravedís a cada uno[27] de vós para la mi cámara. E demás por qualquier por quien fincar[28] d'elo así fazer e complir, mando al omne que[29]

Yo, la reina. Yo, el infante.